गांधीविचारांचा जीवनप्रकाश

दिवाळी हा अंधःकार दूर करुन प्रकाश देणारा लोकोत्सव आहे. यानिमित्ताने मनातील नकारात्मक अंधार नाहीसा करण्याचा प्रयत्न केल्यास आणि सद्गुणांची पेरणी केल्यास आयुष्य मंगलदायी होईल. यादृष्टीने संपूर्ण जगासाठी शिरसावंद्य असणार्‍या गांधीजींचे विचारधन आत्मसात करणे गरजेचे आहे. काय आहेत हे विचार?
* तुमचे विचार सकारात्मक ठेवा. कारण तुमचे विचार तुमचे शब्द बनतात. तुमचे शब्द सकारात्मक ठेवा. कारण तुमचे शब्द तुमचे वर्तन बनतात. तुमचे वर्तन सकारात्मक ठेवा. कारण तुमचे वागणे तुमच्या सवयी बनते. तुमच्या सवयी सकारात्मक ठेवा कारण तुमच्या सवयी तुमचे मूल्य बनतात. तुमची मूल्ये सकारात्मक ठेवा कारण तुमची मूल्ये तुमचे भाग्य बनतात.
* बरेच लोक तुम्हाला खरे बोलल्याबद्दल शिक्षा करू इच्छितात. जर तुम्ही बरोबर असाल आणि तुम्हाला ते माहित असेल तर तुमचे मत मांडा.
* माणूस म्हणून आपली सर्वात मोठी क्षमता जग बदलणे नाही तर स्वतःला बदलणे आहे.
* आधी ते तुमच्याकडे दुर्लक्ष करतील, मग तुमच्यावर हसतील, मग तुमच्याशी लढतील आणि मग तुम्ही जिंकाल.
* दुर्बल कधीही माफ करू शकत नाही, क्षमा करणे हा बलवानांचा गुण आहे.
* दयाळूपणाची सर्वात सोपी कृती प्रार्थनेत झुकलेल्या हजार डोक्यांंपेक्षा कितीतरी जास्त शक्तिशाली आहे.
* योग्य गोष्टी करणे आपले कर्तव्य आहे. कदाचित त्या तुमच्या अधिकारात नसतील, तुमच्या वेळेत नसतील, कदाचित त्याचं काही फळंही तुम्हाला मिळणार नाही. पण याचा अर्थ असा नाही की तुम्ही योग्य गोष्टी करणे थांबवाल. तुमच्या कृतीतून काय परिणाम होतात हे तुम्हाला कदाचित लक्षात येणार नाही. परंतु आपण काहीच केले नाही तर त्याचा काहीच परिणाम होणार नाही.
* राग आणि असहिष्णुता हे आपले शत्रू आहेत. स्वतःला शोधण्याचा सर्वोत्तम मार्ग म्हणजे इतरांच्या सेवेत स्वतःला देऊन टाकणे. तुम्हाला जगात दिसणारा बदल तुम्हीच असला पाहिजे.