‘पल भर के लिए‌’ झळकणार जागतिक पातळीवर

बॉलिवूड अभिनेत्री सैयमी खेर आणि चित्रपट निर्माते विक्रम फडणवीस यांचा आगामी ‌‘पल भर के लिए‌’ हा चित्रपट आता आंतरराष्ट्रीय पातळीवर झळकण्यासाठी सज्ज झाला आहे. या चित्रपटाचा जागतिक प्रिमियर (वर्ल्ड प्रिमियर) ‌‘इंडियन फिल्म फेस्टिव्हल ऑफ मेलबर्न‌’ म्हणजेच ‌‘आयएफएफएम 2026‌’ मध्ये होणार आहे. या चित्रपटात सैयमी खेर यांच्यासोबतच इष्वाक सिंग, ताहिर राज भसीन आणि विनीत कुमार सिंग हे कलाकार महत्त्वपूर्ण भूमिकांमध्ये झळकणार आहेत. भारतीय चित्रपटाला जागतिक स्तरावर पोहोचवणाऱ्या या अत्यंत प्रतिष्ठित महोत्सवातून या चित्रपटाचा प्रवास सुरू होत असल्याने संपूर्ण कलाकार आणि तंत्रज्ञ संघासाठी हा एक अत्यंत महत्त्वाचा टप्पा मानला जात आहे. या महोत्सवाने नेहमीच वैविध्यपूर्ण आणि दर्जेदार चित्रपट प्रेक्षकांसमोर आणले आहेत, ज्यामुळे या चित्रपटाच्या जागतिक पदार्पणासाठी हे एक आदर्श व्यासपीठ ठरले आहे.या महोत्सवाशी सैयमीचे जुने नाते आहे. यापूर्वी तिचा ‌‘घुमर‌’ हा चित्रपट 2023 च्या महोत्सवाच्या आवृत्तीत दाखवला गेला होता. – जगदीश काळे