दागिन्यांची निवड हवी साडीच्या रंगानुसार

साडी हा महिलांच्या सौंदर्याला पूर्णत्व देणारा पेहराव आहे. अनेकदा महागडी साडी नेसूनही हवा तसा प्रभाव पडत नाही, याचे मुख्य कारण म्हणजे त्यासोबत केलेले दागिन्यांचे चुकीचे संयोजन. साडीचा रंग, त्यावरचे नक्षीकाम आणि कार्यक्रमाचे स्वरूप लक्षात घेऊन दागिन्यांची निवड केल्यास व्यक्तिमत्व अधिक उठून दिसते.
साडी आणि दागिने यांपैकी एक गोष्ट ‌‘हायलाईट‌’ होणे गरजेचे असते. साडीवर भरगच्च नक्षीकाम किंवा जड वर्क असेल, तर दागिने अतिशय साधे आणि हलके असावेत. याउलट, साधी किंवा प्लेन साडी असल्यास गळ्यात मोठे ‌‘स्टेटमेंट‌’ दागिने घालून एक वेगळा लूक तयार करता येतो.
विविध …..रंगांच्या साड्यांसाठी दागिन्यांचे पर्याय
© पांढरी आणि राखाडी (ग्रे) साडी ः या रंगांच्या साड्यांसोबत मोत्यांचे दागिने अतिशय शोभून दिसतात. मोत्यांच्या माळा किंवा कानातले घातल्याने एक मृदू आणि शोभिवंत लूक मिळतो.
© निळी (ब्लू) साडी ः निळ्या साडीवर चांदीचे दागिने उत्तम दिसतात. निळा हा ‌‘कूल टोन‌’ रंग असल्याने चांदीची चकाकी त्याला पूरक ठरते. जर साडी आकाशी रंगाची असेल, तर त्यावर मोत्यांचे दागिने अधिक खुलून दिसतात.
© गुलाबी (पिंक) साडी ः गुलाबी साडी आणि सोन्याचे दागिने हे एक सदाबहार समीकरण आहे. सोन्याचा पिवळसरपणा आणि गुलाबी रंग एकत्र आल्यावर एक समृद्ध आणि सणासुदीचा लूक तयार होतो.
© हिरवी (ग्रीन) साडी ः हिरव्या साडीच्या कोणत्याही शेडवर सोन्याचे दागिने राजेशाही थाट देतात. मात्र, जर साडीचा रंग फिकट हिरवा (मिंट ग्रीन) असेल, तर त्यावर मोत्यांचे दागिने निवडावेत, ज्यामुळे लूक अधिक क्लासी वाटतो.
© काळी (ब्लॅक) साडी ः काळ्या साडीसोबत चांदीचे दागिने घातल्यास एक आधुनिक आणि धारदार लूक मिळतो. पार्टी किंवा संध्याकाळच्या कार्यक्रमांसाठी हे संयोजन अतिशय प्रभावी ठरते.
© लाल आणि वाईन कलर साडी ः लाल साडीसोबत सोन्याचे दागिने नेहमीच पारंपारिक आणि सुंदर दिसतात. वाईन रंगाच्या साडीवर मात्र अँटीक गोल्ड किंवा मॅट फिनिश असलेले दागिने अधिक प्रीमियम आणि मोहक वाटतात.
महत्त्वाची टीप: ?
© दागिन्यांची निवड करताना नेहमी साडीच्या काठाचा आणि त्यावरील जरीच्या कामाचा विचार करावा. ?
© जर साडीत चांदीची जर असेल तर चांदीचे दागिने आणि सोन्याची जर असेल तर सोन्याचे दागिने प्राधान्याने निवडावेत.