‘मिर्झापूर’चा कालिन भैय्या बदलणार

‘मिर्झापूर’ या वेब सीरिजचा पहिला सीझन 2018 मध्ये रिलीज झाला होता, ज्याला लोकांनी खूप पसंती दिली होती आणि त्यानंतर दुसरा सीझन 2020 मध्ये आणि तिसरा सीझन 2024 मध्ये रिलीज झाला होता. तिन्ही सीझनला लोकांचा चांगला प्रतिसाद मिळाला आणि ती जढढ ची सर्वात यशस्वी मालिका ठरली.
आता ‘मिर्झापूर’चे चाहते चौथ्या सीझनची वाट पाहत आहेत. या मालिकेची केवळ कथाच नाही तर त्यात दिसणार्‍या पात्रांनीही लोकांच्या हृदयात स्थान निर्माण केले आहे. मग ते दिव्येंदू शर्माने साकारलेले ‘मुन्ना भैया’चे पात्र असो किंवा पंकज त्रिपाठीने साकारलेले ‘कालिन भैया’. या मालिकेत प्रत्येक पात्राने प्राण दिला.
आता या संदर्भात एक मोठी बातमी समोर आली आहे. असे बोलले जात आहे की, लवकरच पंकज त्रिपाठी यांच्याकडून कालिन भैयाची भूमिका हिरावून घेतली जाऊ शकते. मात्र, हे मिर्झापूर वेब सीरिजमध्ये नसून मोठ्या पडद्यावर होणार आहे.
गेल्या काही दिवसांपासून बातम्या येत होत्या की मिर्झापूर वेब सीरिज हिट झाल्यानंतर आता निर्माते त्यावर चित्रपट बनवण्याच्या तयारीत आहेत. यासंदर्भात त्याची एक्सेल एंटरटेनमेंटशीही चर्चा सुरू असून अभिनेता हृतिक रोशन या चित्रपटात कालिन भैय्याची भूमिका साकारताना दिसणार आहे.
मिर्झापूरचे दिग्दर्शक गुरमीत सिंग यांनी वेब सीरिजच्या चित्रपट रुपांतराबाबत ना हो म्हटले आहे किंवा त्यांनी या दाव्यांना चुकीचे म्हटले आहे. मिर्झापूर मालिकेत कालिन भैय्याची भूमिका साकारल्यानंतर अभिनेता पंकज त्रिपाठीला लोकांचे खूप प्रेम मिळाले आहे. मात्र, तिसर्‍या सीझनमध्ये त्याची भूमिका फारशी नव्हती आणि लोकांनी याबद्दलही संताप व्यक्त केला.- राधिका बिवलकर