गुहेत सापडला अतिप्राचीन पूल

स्पेनच्या एका बेटावरील गुहेत संशोधकांना तब्बल 5600 वर्षांपूर्वीचा मानवनिर्मित पूल आढळून आला आहे. गुहेतील पाण्यावर बांधलेल्या या पुलाने अर्थातच संशोधकांचे कुतूहल वाढवले आहे. स्पेनमध्ये मालोर्का नावाचं एक बेट आहे. येथे एका गुहेत पाण्यात बुडालेला पूल सापडला आहे. हा पूल 5600 वर्षेजुना व मानवनिर्मित आहे. यावरून दोन गोष्टी स्पष्ट होतात. पहिली गोष्ट म्हणजे त्या काळी या गुहेत माणसांचे वास्तव्य होते किंवा त्यांना ये-जा करावी लागत होती. दुसरं म्हणजे तापमान हळूहळू वाढत गेले. त्यामुळे समुद्राच्या पाण्याची पातळी वाढली आणि ही जागा पाण्यात बुडाली. भविष्यात अशी अनेक शहरे अशाच प्रकारे बुडतील, असेदेखील यावरून अंदाज बांधला जातोय. सन 2000 मध्ये ही गुहा सापडली होती. यानंतर शास्त्रज्ञांना त्यात पाणी भरलेले दिसले. स्कूबा डायव्हिंगने पाण्याखालील पुलाचा शोध लावला. भूमध्य समुद्राजवळ ही गुहा आहे.
यात चुनखडीचा 25 फूट लांबीचा पूल आहे. युनिव्हर्सिटी ऑफ साऊथ फ्लोरिडाचे भूगर्भशास्त्रज्ञ बोगडान ओनॅक यांनी सांगितले की, मागील अभ्यासात नोंदवलेले वय या पुलाभोवती सापडलेल्या मातीच्या भांड्यांच्या तुकड्यांनुसार होते, पण आता त्याचे नेमके वय समजले आहे. या गुहेत एका खास बकर्‍याची हाडे सापडली आहेत. पुलाजवळ शेळी-मृग मायोट्रागस बॅलेरिकसची हाडे सापडली आहेत. मानवाने ही गुहा केव्हा काबीज केली हे माहीत नाही. कारण मालोर्का हे खूप मोठे बेट आहे. भूमध्य सागरात मानवाने त्यावर फार पूर्वीच वास्तव्य करण्यास सुरुवात केली. एवढा गोंधळ उडाला की पुलावरील शेळीची हाडे आणि वेगवेगळ्या रंगांच्या पट्ट्यांचा अभ्यास करण्यात आला. कारण समुद्राच्या आत पडलेल्या वस्तूंना वेगवेगळ्या रंगांचा थर मिळतो. ज्याला कॅल्साइट चीर म्हणतात. म्हणजे एक प्रकारचा कॅल्शियमचा थर. त्याचा अधिक सखोल अभ्यास केल्यानं नेमका कालावधी कळू शकला. सुमारे 5600 वर्षांपूर्वी या गुहेच्या आत हा पूल बांधण्यात आला होता. जेणेकरून पूर्व भूमध्य आणि पश्चिम भूमध्य सागर यांच्यातील दरी भरून काढता येईल. त्या वेळचे लोक या गुहेतून समुद्राच्या एका भागातून दुसर्‍या भागात येत असत.