मिक्सर ग्राइंडर वापरताना…

पमिसर आणि ग्राइंडर हे प्रत्येक स्वयंपाकघरातील महत्त्वाचे उपकरण आहे. चटणी, मसाले, पेस्ट, आणि अन्य पदार्थ तयार करण्यासाठी मिसरचा वापर होतो. मात्र, चुकीच्या वापरामुळे या उपकरणांचे आयुष्य कमी होते किंवा ते वारंवार बिघडतात. त्यामुळेच त्यांचा वापर योग्य पद्धतीनेच करायला हवा.
मिसर प्रामुख्याने दोन प्रकारांमध्ये येतो. हँड मिसर आणि स्टँड मिसर. याचा उपयोग द्रव पदार्थ एकत्र करण्यासाठी किंवा पीठ मळण्यासाठी होतो. मिसरमध्ये वाळलेल्या आणि ओल्या पदार्थांचे मिश्रण करता येते.
*ग्राइंडर ः ग्राइंडरचा उपयोग मुख्यतः मसाले, डाळी, तांदूळ आणि इतर वाळलेले पदार्थ बारीक करण्यासाठी केला जातो. यात अत्यंत तीव्र शक्तीची मोटर आणि धारदार ब्लेड असते, जे घट्ट आणि कठीण पदार्थ सहज बारीक करू शकते.
*ज्यूसर ः ज्यूसर विशेषतः फळांचा रस काढण्यासाठी वापरला जातो.काही ज्यूसर सेंट्रीफ्यूगल पद्धतीने फळांचे तंतुमय भाग वेगळे करतात आणि रस काढतात. यामध्ये संत्री, मोसंबी, सफरचंद यांसारख्या फळांचा रस सहज मिळतो.
मिसरसोबत विविध प्रकारचे जार आणि ब्लेड दिले जातात. प्रत्येक जार आणि ब्लेड विशिष्ट कार्यासाठी असतात. स्मूथ पेस्ट किंवा लिक्विड पदार्थांसाठी मोठा जार वापरावा. ड्राय ग्राइंडिंगसाठी छोटा आणि कमी क्षमतेचा जार वापरावा.
प्रत्येक पदार्थासाठी योग्य ब्लेड निवडावे. उदाहरणार्थ, ड्राय ब्लेड, वेट ब्लेड, चॉपर ब्लेड इत्यादी.
चुकीच्या जारमध्ये अन्न घटक टाकल्याने मिसरचे ब्लेड लवकर झिजते. ओल्या पदार्थांसाठी ड्राय ग्राइंडिंग ब्लेडचा वापर करू नये.
मिसरमध्ये एकाच वेळी जास्त प्रमाणात पदार्थ टाकल्याने मोटरवर ताण येतो. त्यामुळे कमी प्रमाणात पदार्थ टाकून ते व्यवस्थित ग्राइंड करावे. गरज असल्यास, मिसिंगदरम्यान थोडेसे पाणी किंवा तेल घालावे.अत्यधिक घट्ट किंवा कमी द्रव असलेले पदार्थ टाकल्यास मोटर गरम होऊ शकते. ओव्हरलोडिंगमुळे मोटर जळण्याची शयता वाढते.गरज असल्यास ओव्हरलोड प्रोटेशन स्विच असलेला मिसर निवडावा. ओव्हरलोड स्विच दाबल्यावर लगेच मिसर चालू करू नये — ५-१० मिनिटे थांबावे. सतत ५-१० मिनिटे मिसर चालू ठेवल्यास मोटर गरम होऊ शकते. त्यामुळे प्रत्येक ३०-४० सेकंदांनी मिसरला ब्रेक द्यावा.
गरम पदार्थ मिसरमध्ये टाकू नये, कारण जारचा प्लास्टिक भाग खराब होऊ शकतो.
मिसरची नियमित साफसफाई करणे आवश्यक आहे, अन्यथा त्यावर अन्नाचे कण साठून जार आणि ब्लेड खराब होऊ शकतात. म्हणून प्रत्येक वापरानंतर मिसर जार स्वच्छ धुवावा. जारच्या झाकणाखाली अन्न साठले आहे का, याची खात्री करावी. ब्लेड स्वच्छ केल्यानंतर कोरडे करून ठेवावे.
जर मिसर चालू झाल्यानंतर लगेच वास येऊ लागला, तर त्वरित स्विच बंद करावा. मिसर बंद करण्याआधी ब्लेड पूर्ण थांबले आहे का, ते पाहावे.
योग्य पद्धतीने वापरल्यास मिसरची कार्यक्षमता वाढते आणि स्वयंपाक करणे अधिक सोयीचे होते. यामुळे केवळ उपकरणाचे आयुष्य वाढत नाही, तर स्वयंपाकातही वेळ वाचतो आणि परिणाम चांगले मिळतात!