ऑफिस स्ट्रेस टाळण्यासाठी

सध्याच्या व्यस्ततेच्या जीवनात अनेक लोकांवर कामाचा ताण सतत वाढतोय. या वाढत्या कामाच्या दबावामुळे अनेकांना मानसिक आरोग्याशी संबंधित समस्यांचा सामना करावा लागतोय. अधिक ताण आणि दडपण केवळ आपल्या कामावर परिणाम करत नाही, तर आपल्या आरोग्यावरही याचे गंभीर परिणाम दिसू लागतात, असे तज्ज्ञांचे मत आहे. हा ताण टाळण्यासाठी काही गोष्टी लक्षात ठेवणे गरजेचे आहे.
एका अहवालानुसार, जास्त कामाचा ताण चिंता, नैराश्य आणि इतर मानसिक आरोग्य समस्या वाढवू शकतो. कामाचा अतिरेक आणि तणावामुळे आपल्या वैयक्तिक जीवनावर तसेच शारीरिक स्वास्थ्यावरही विपरीत परिणाम होतो. सहसा लोक ८ तास ऑफिसमध्ये बसून काम करतात; पण यामध्ये तुम्ही मधल्या काळात ब्रेक घेणे खूप महत्त्वाचे आहे. जर तुम्हाला तुमचे काम संगणक प्रणालीवर बसून करावे लागत असेल, तर त्याचा थेट परिणाम तुमच्या डोळ्यांवर होतो. यासाठी जेव्हा तुम्ही स्क्रीनसमोर बराच वेळ बसून काम कराल, तेव्हा मध्येच लहान ब्रेक घ्या. तसेच शक्य तेवढे पाणी प्यावे. खाण्याच्या चुकीच्या सवयी आणि वाईट जीवनशैलीचा आपल्या आरोग्यावर खोलवर परिणाम होतो. कामाच्या दबावामुळे, व्यक्ती आणखी तणावग्रस्त वाटू लागते. अनेक वेळा लोक त्यांच्या कामाचा इतका दबाव घेतात की, त्याचा थेट परिणाम त्यांच्या मानसिक आरोग्यावर होतो. नियमित योग आणि ध्यान केल्याने मानसिक शांती मिळते आणि तणाव कमी होतो. जर तुम्ही मधुमेहाचे रुग्ण असाल तर योगासने आणि ध्यान केल्याने तुमच्या शरीरातील रक्तातील साखरेची पातळी नियंत्रणात राहते. ध्यानामुळे स्ट्रेस हार्मोन कोर्टिसोलची पातळी कमी होण्यास मदत होते. आपण जितका जास्त कामाचा दबाव घेतो तितके आपले टेन्शन वाढत जाते. अशा वेळी तुम्ही तुमच्या आवडत्या कामांना प्राधान्य द्यावे आणि तुम्हाला जे करायला आवडते ते करा. यामुळे तुमचा ताण कमी होईल आणि तुम्हाला बरे वाटेल. तुम्हाला प्रवास करायला आवडत असेल तर कामातून ब्रेक घ्या आणि कुठेतरी बाहेर जा. यामुळे तुम्हाला फ्रेश वाटेल आणि तुमचा ताण कमी होईल. जर तुमचा तणाव सतत वाढत असेल, तर त्याकडे दुर्लक्ष करू नका. वेळेत डॉक्टरांशी संपर्क साधा आणि योग्य वेळी उपचार सुरू करा.